هذيانيات و beliefs

نفساويات مش تمام
وتصرفات مش ولا بد
تحس أنك حتى غريب على نفسك

ربنا يستر والحال ينصلح
ربنا يستر والواحد يتعدل

بقالها كتير ملخبطة
والواحد خلاص دماغه مش مستحملة
حالات غريبة الانسان عايشها
مش عارف الطريق اللى هو ماشى فيه أخرته إيه ؟
يمكن مش هيعرف إلا لما يكون فى أخر الطريق
بس ساعتها الطريق هيكون خلص ....... وجايز ( دا احتمال كبير ) مش نتقدر نرجع تانى

أوقات غريبة بقت تمر بالواحد
الوقت كالسيف ... مقولة الواحد ما بيعرفش قيمتها إلا فى أوقات معينة وخاصة لما بيكون السيف قطع ما يريد
ساعات تحس أن الأمر عدى وساعات تحس أنها دنيا وحالها أصلا كده .. والمهم نعمل اللى علينا والسلام

الناس بتقول يارب العمر يرجع
والواحد عمال ياريت أغمص ألاقى العمر جرى

ربنا يستر
يـــــــــــــــــــــــــــــــــــــا رب

فــى خيالى ..!!

فى خيالى راسم صورة ليها ..
طول عمرى بحلم بيها
عايش على أمل اللقاء ..
عايش على أمل صدفة
بحلم بحلم صنعته ..
بحلم بشوق وحنان كونته
بحلم ألاقى قلب خالى
قلب ليا مش لغيرى
أطير معاه فى دنيا جديدة
مرسومة من حلمين
حاكلها كل اللى فات واللى جاى
راسم طريق أحلام
من الحنين والذكريات
بدور عليها بين البشر

تُعساء ولكنهم سعداء !!

تُعساء ولكنهم سعداء ..!!
غريبة على مسامعنا تلك المقولة
كلنا يعرف ويسمع العكس منها ... أن هناك أُناس سعداء ظاهرياً ولكنهم تعساء داخلياً بمعنى " سعداء ولكن تعساء "
ولكن أن نسمع العكس من ذلك " تعساء ولكنهم سعداء " هذا هو الغريب فى الموضوع والمطلوب تفسيره
هـل مــن الممكن .... أن نكون سعداء دون أن نعلم ؟
هـل مــن الممكن .... أن تكون السعادة مدفونة فى داخلنا دون أن نُدرك ذلك ؟
هـل مــن الممكن .... أن نحتوى على سعادة فى داخلنا ولا نستخدمها ؟
هل من الممكن كل ذلك ؟
نعرف كلنا وبدون تفسير أن الحياة مليئة بالهموم ومقدمات الأحزان وكل ما يُجبرنا على العيش فى دنيا حزينة
كل هذا يُجبرنا على التعاسة . فأصبحت الدنيا بالنسبة لنا هى مصدر تعاسة
هذا ما تُقدمه دائماً الدنيا لنا ولو قدمت غير ذلك لا تصلح ان تكون دنيا
فكل المقومات تُجبرنا على التعاسة والانغماس فيها
ولكن ..!!
تلك المقومات هل تُجبرنا على الاستسلام والركود إلى ركن التعاسة دون المحاولة للبحث عن السعادة ؟
لنكون بالفعل تعساء ..!!
أم هذا يتطلب محاولة البحث عن حل للمستحيل .. محاولة البحث عن فك قيود السعادة وتحريرها
فعلينا محاربة الدنيا للبحث عن شعاع للسعادة
ليس هناك مستحيل .. هناك دائماً أمل وطريق أخره ما تجد السعادة التى تتمناها
فعلينا البحث دون ملل ... علينا المحاولة مع الاعتراف بوجود الفشل
علينا البحث عن السعادة .. لعملنا ويقيننا بوجودها
فكل طريق للتعاسة آخره ما تجد السعادة
ومن يقف فى منتصف الطريق ( طريق التعاسة ) دون المحاولة للوصول إلى نهاية الطريق ( للوصول إلى السعادة)
للفوز بالسعادة فى نهاية المطاف
فاللوم كل اللوم عليه ... لأنه لم يكمل الطريق وأصابه الملل وفقدان الأمل
واكتفى بمنتصف الطريق .. دون النهاية .. هزمه الفشل فى تكملة الطريق
فالسعادة دائما موجودة فى نهاية الطريق لكل البشر ..
فهو يملك السعادة بالفعل كأى إنسان أخر ولكن من يحاول للوصول إليها
ذلك من تجده تعيساً فى حياته ... " تعساء وهم تعساء " .!!

ذلك ما أردت توضيحه
أن كل تعاسة ورائها سعادة ..... فى كل الأحوال ومع كل البشر هناك سعادة فى نهاية طريق التعاسة
حتى ولو كانت نهاية الطريق فى الآخرة لا الدنيا ... ولكن هذا لا يتعارض مع حتمية وجودها
فمن اكتفى بالتعاسة وفقد الأمل فى منتصف الطريق ولم يكمل إلى النهاية ليصل إلى السعادة
فالخطأ هو خطأه دون غيره

فكل تعيس هو فى الأصل سعيد ولكنه هو من لم يرد ذلك واكتفى بمنتصف الطريق
فالتعساء هم سعداء ولكنهم لم يكملوا الطريق .. فعليهم البحث

فهم
تعساء ولكنهم س ع د ا ء ..!!

زعلان ليــه ؟

زعلان كده ليه

وشايل همك وهَم الغير

أكيد كله هيعدى

والدنيا هتبقى حلو

تلاقيها كلها فى غنوة

تضحك من غير ما تقول

دى ساعات ضحكة وهتزول

خليك ع طول معاها

وخلى الدمعة منعاها

تنزل على أحلى خدود

طول ما الأمل موجود

كله بيعدى

هل مـات الحـب !!

عايشين على ذكرى زهيدة
ومن الأمل القليل
قتلنا الحب
ومن غيره بقينا تايهين
من غير إحساس عايشين
منتظرين مولد جديد
وبالغدر هنرحب بيه
وزى اللى فات
كنا احنا القاتلين
غدرنا بيه ونهينا عليه
مات الحب
ومن غير رجعة راح
ولسه احنا منتظرين
عودة الحب الجديد
ونسينا إن اللى مات
ما بيصحاش من جديد
خلينا كده من غير حب
عايشيين على ذكرى

مـاتعتذرش !!

ليه فى العذر طالب

مادام هى الملاوعة

ليه ما تكنش واثق

وبعيد عنها ترعى

طول ماهى خاينة

خليك أنت الأمين

أنت أكيد كسبان

وفى بٌعدك أكيد فرحان

أنا عارف ولع الفراق

وطعم الحب اللى راح

أكيد مش صعب تنسى

بس الأكيد إنك مرتاح

بس خلى بالك

ل يجى غيرها ويجرحك

ومنها تانى تطلب انها تسمعك

أحــلام بالقيود !!

قيود تُكبل الأحلام
عوائق تمنعنا من الاستمرار
هل نقف على هذا الحد ؟
أم نكتفى بمجرد الأحلام ؟
حتى وإن كانت أحلام لغيرنا
تلك الأقدار التى تُحطمنا
تُحطم أحلامنا
هل دائماً ما تقصدنا دون غيرنا ؟
دائماً ما تُحطم أحلامنا نحن
بالقصد أم المصادفة
لماذا نحن دون غيرنا ؟
لماذا تصر دائماُ على أحلامنا ؟
كثُرت الأسئلة فهل من مُجيب

عندما يأتى المساء ..!!

عـنـدمـــا يــأتــــى المســــــاء
وأتـــرك عــالــــم الـحـقـيـقــة
لأدخـل عـالـم الهموم والأحلام
عـنـدمــا أتــرك الـحيــاة
وأضـجـع عـلـى وسادتى
لأترك لعقلى عنان التفكير
والاختيار
لأتـــرك لــه حـريـة الـتـفـكـيـر
أى الـعـالـمــين يـود أن يخـوض
عالـم الأحـلام .أم. عالم الهمـوم !
سـريـع الإجـابــة هــو .. فــيقـول
ومالى ومال الهموم !!
لـسـتُ ممــن يبحـث عـن الأحـزان
دعنــــى أدخــل عـالـم الأحـــــلام
أنــا : لــك مـــــا تـريــد
فـــــهـذا مـــــا أتـمـنـــاه
فــيُبهج بــــالاخـتـيــار
ويـسـرد عقلى أمام عينى
كثير من الأحلام
أحـــلام الــمستقبـل والــعمـل فـيــــه
أحـــلام الرضــــا والـقـنـاعـــة
أحـــلام الحــب والاطـمـئـنـــان
أحـــلام وأحـــلام .. لا حـصـــر لـها
يُبدع فى اختيار الأحلام
كأنه رسام .. يرسم حياته
فى لوحة يُــبـدع فيـــها
لـــيُخرجها كمــا يشـاء
فهو صانعها
حـيــاة أحــلام .. مليئــة بـالآمال
يـحفــها نشــوة مــن الـطيـــران
فى عالم السعادة أحـس
وكـأن الدنيا أنا مـالــــها
ولكنه احساس .. سريع الزوال
ففجأة
انتفضت على صيحات من عالم الأوهام
صيحــات تُوقظنى وتَنفضنـى
صيحات لتُخبرنـى وتُجبرنـى
بـأن لـيس لــي مكـان هــــنـا
ليس لى حق زيارة هذا العالم
تُجبرنـى عــلى الـرجـوع عـن عـالـم الأحلام
وتقهرنى وتقودنى إلى عالم الهـموم والأحـزان
لا اسـتـســـلم .. وأُعــاود الأحــلام مـــن جديد
أحن إليها كما يحن إليها كل البشر
ليفزعنى صوت منادٍ ينادى
ليس مـــن حـــقك الإخـــتيار
لا تختار أى العالمين تـدخـل
ولـكـــننا مـــن نـختـار لـــك
لأجـــد نفســى فـى ظلمـات
لأجد نفسى وحيداً
فـى عالم من الدموع والآهات
أنــا ونفســى وظـــلام الـلـيـل
يُـذكـرنى سـواد الليل بأحزانى
وكـأن حمل الدهر أحزان
فما تجد نفسى إلا الدموع
حينما تتذكر .. وتتذكر ما مضى من سنين
أحـاول أن أواسيها وأخفف عنها ..
تعرض عنى .. وتلوح لى
وتُحملنى مسئولية المجيء إلى هنا
وتتركنى .. وتُصبح شـاردة الـذهـن
فأفيق بين سبحات الأحزان
بـين أمـواج الـدموع
وأتذكر أن ما مضى
هـى دومـاً .. ذكراي

محاولة نسيان ..!!

فلتعش كمـــا تحــــب ......
ولــتتذكـــر مـــــــــا تـريــــد
وأنــت لا تنســــى مــــــــا لا تريد
أنت تنسى دائما ما تحاول أن تتذكر
وتبنــى لنفسك الآهــات والأحــزان
ولــــتعلم أنـــها أوهـــــام
مجــــــــــرد أحــــــــــلام
بتعشها وهتعيشها لوحــدك
مــــن غـــير شــــــــريك
يمكن يكــون دا غريب
بس انت اللى فريــــد
بتحس كل حاجة ... على أنها مشاعر
وتعيش فــى أى حاجـة
وكـأنهـــــــا حـقــــائـق
وماينوبك غـير المتاعب
بس هتعمل ايه ؟؟؟؟


(( رداً على : لن أنساها ))

حــلم الحـزين ..!!

ساعات تعيش والعيشة عجباك
وترسم لنفسك خيال
كأن الأمور رضياك
ولما تفوق تلاقى الدنيا جرحاك
ما أنت كنت بتحلم
ومين يمنعك إنك تحلم
احلم كتييير مادمت حزين
دارى حزنك فى حلمك
ودور على فرح فى وهمك
احلم زى ما أنت عايز
واعلم أكيد أنك مش الوحيد
اللى فى الحلم عايش
ناس كتيير بتحلم
وناس تانية خايفة تحلم
بس الأكيد إن كل دا
مجرد

حـــ ـــ ـــ ــــلـــ ـــ ـــ ـــم

فــاتنى !!

أحسستُ أننى انتهيت

حال هكذا والأخر ليس كذا

لم أستطيع أن أساير الموكب

تشدنى آهاتى .. ويتجاذبنى ندمى

لم ألحق بهم

أصبحت وحيداً شارداً


منتظراً عرض جديد من فودا

قطيعة
ماحدش بيشحنها بالساهل

وِحدة وفراق

ساعات الوِحدة بتكون أحـسن من رؤية الحبيب
سـاعـات الفـــراق بيكــون أحسـن مــــن اللقاء
وسـاعـات وسـاعـات ........................
ولِـتعلم الـدنيا كلـها .. أنـه مهمــا فعــل الـحبيب
مهما غدر ومهما خان.. مهما قسى ومهما غاب
ســيظل قلبـــى يُحـب ... ســيظل قلبــى يـــدق
إن لم يكن له ......... والأكيد أنه لن يكون له
ولكنــه ســـيحب ............................
سيستمر فى الحياة.. سيصارع من جديد للبقاء
ســيعود بــدم جــديد ينشـره فــى كــل الـــجسد

ســـيعود لــيحيا مــــــــن جـديـد
سيعود ليحيى ما دام ربه موجود

زى الطير .. من غير جناح طاير

وبقيت زى الطير

من غير جناح طاير

عايش على أمل ضعيف

و من غيره هكون واقع

بحاول أدور عليه

وفى كل مكان أنا باحث

طاير فى كل مكان

وعلى غصون كل الأشجار

بحاول ألاقى أمل

عايز ألاقى جناحى

بقيت خايف أبص لفوق

ألاقى السحاب مابقاش فوق

ألاقى الشمس مابقتش فى الكون

وخايف أبص لتحت

مالقيش ولا شجر ولا عش

وألاقى نفسى مش طالع

بقيت أقرب من الأرض

وكأن من غير الجناح انا واقع

ياترى هلاقى جناحى

ولا هفضل من غيره طاير