ولســه بتسألى عن الحـزن ؟

شافتنى واقف لوحدى
قالتلى مالك ؟
قولتلها حزين ؟
قالتلى :

وايه هو الحزن ؟
قولتلها :
الحزن ظلام بيغطى القلوب
لا هى بتتشاف ولا بتشوف
دايما فيه تلاقيها حزينة
وان سألتها مالك ؟؟
تقول تعيسة
بعد ماكان القلب بيرقص
هتلاقيه دلوقتى بينفض
بينفض هم وتعب وأسى
وكأنه عايز يرتاح
وياريته يعرف يرتاح

وفى عز حزنه
تلاقيه دايما حيران
بيدق وهو مش شغال

ولسه بتسألى عن الحزن ؟
اسألى عنيا
ليه دايما دموعها فيها
نهار وليل ما بيكفها
سواد الليل ما بيرضيها
وترجع فى الصبحية تعميها
تلاقيها دايما بتتكلم
ومن غير صوت بتتألم



ولسه بتسألى عن الحزن ..!!